اعدل يا مرسى/بقلم/محمد حجاج

اعدل يا مرسى
يامرسى يا للى قاعد ع الكرسى
وصلت له بصوتى و حسى
ارجوك اسمع نصحى
اسمع ف يوم همسى
انت حاكم لكل مصرى
ما تسبش واحد فى البلد منسى
حافظ على مالى
احمى لى ولدى
ادينى حقى
امن لى لقمة عيشى ا
أنشر ف البلد امنى
وحد صفوف بلدى
جمع كل سياسى و حزبى
خد ر أيهم و حقق املى
فالأمن والأمان
انحرمت منه بنتى
سيبك م الشاطر و بديع
و اللى ما يهمهم امرى
سيبك من حمدين و موسى
و احكم باللى امر بيه ربى
باستحلفك بآ ية الكرسى
ما ترجع لى امسى
باستحلفك بالسماء و الارض
اللى وسعها الكرسى
تسمع كلامى
و ما تبُح حسِّى
مين يسمع شكواى
غيرك يا مرسى
الألم زوى نفسى
المرض دخل جسمى
إن ما عالجتنى
و حققت لى امنى
هقول الحقنى يا سيسى
و احمينى
م اللى هدوا بلدى
و دمروا ارضى
م اللى دخلوا من الممرات
حلايب و شلاتين جزء من ارضى
اسكت ازاى
هى البلد دى مش بلدى
يا خوفى يوم يجى
و مرسى مطروح و سيوه بيهم تهدى
حرام عليك هو انت مش م البلد دى
بحلفك برب الكرسى
تعدل يا مرسى