مجروح ... بقلم عبد المقصود عيسى

مجروح
مجروح وجرحى فى الوريد سارى
بنصح ف خلق الله ليلى ونهارى
اقول مسيرها تروق وتنطفى نارى
ابات الليل وجرحى بينزف
تطلع شمس الهموم وانا متدارى
* * * * * * *
بعتب عليك يازمن واعتب على نفسي
الكل حاطت ثمن على افيش امسى
راسمين عليك ياوطن حلمى وانا منسي
دا كلامى لو يتوزن مع دموع حسى
تلقاه سبايك دهب مترصعه بماسى
* * * * * * * *
اهين واه يا الم ارحمنى وانسانى
وامسك بدالى القلم واكتب عل لسانى
اكتب وقول للكل انا راجع من تانى
انسان فى حالة العدم والصبر عنوانى
رضيت اكون مظلوم بين اهلى وخلانى