العصر ساكنين #البيوت
و الشمس غربه ف ليلها #موت
و عبد الحليم بدأ الشجن
حواديت العدو ع الجبهه
كانت من #هنا
بعد العشا وسط الضباب
قاعدين ف حضن #المأذنه
و النار مصهلله و اللمه لمه
سمعنا صوت #المعجنه
خاف الرصاص جوه البنادق
صوت السكوت خبي الخنادق
سكت #الزمن ..
كان لسه عبده لسه بيصلي القيام
زاد الزحاااام
#مينا قال الله اكبر
شق الرصاص القلب سطر
دفع #التمن ..
ع الفجر طلعت الاهالي
و النار تلالي
دق الرصاص ف الجو عالي
خاف العدو مات اللي #مات
و الباقي سلم من #سكات
صلوا الولاااد رفعوا العلم
ولسه حواديت العدو
ع الجبهه ليلاتي بيبتدو
يرضوا القلم
و احنا بندور و نسأل
مين يا ناس رفع العلم !
ليست هناك تعليقات:
إرسال تعليق