قولى الحق
***********
بصى فى عينى وقولى الحق
قلبك حس بحبى ودق ؟
نظرة عينك بتقول أيوه
ورعشة صوتك بتقول لأ
قولى الحق
**************
عمر الحب ما كان فيه كسوف
ولا كان عيب ودا شىء معروف
هو الشوق لو كان بإيدينا
كنا هانرضى بحكمه علينا ؟
بسهر الليل نحكى عذابنا
وبعد أحبابنا آهات مواويل
لو كان قلبك حن ورق
ليه ها تكابرى قولى الحق
**************
ما تخبيش قولى الحق ما تكسفيش
عبرى دايما عن إحساسك
والأحساسيس لو صادقه تعيش
سيبى لبكره مشاعر بكره
وتخافى ليه جايز ما يجيش
لو كان قلبك حن ورق
ليه هاتكابرى قولى الحق
وتعالى نعيش ماتخبيش
قولى الحق
محمد عبد المنصف
ليست هناك تعليقات:
إرسال تعليق