صـبـرك ياعين متـرسميش علي خـــــدي احــزاني
كتــر الــدمـــــوع مينسنيش ألــمي اللـي بـكـــاني
صبرك علي هم زماني . صبرك علي طـول حرماني
صبرك علي مـــر الأيام ، دمعــك ياعين هــد كياني
صبرك ياعين . صبرك ياعين . صبرك ياعين ع أحزاني
============================
ياعين كفاية دموع تاني .علي دنيتي اللي معنداني
صبرك عشان أرتـاح وأنام وأنسي الألـم حتي ثـواني
الـــصبر ع البخت المايل . في الدنيا دوخت وبتحايـل
أيه أخـرة الحــرمان يازمان. لا أرض أنا ولا سما طايل
صبرك ياعين . صبرك ياعين . صبرك ياعين ع أحزاني
============================
دمعك ياعين ليلي نهاري من الظلم شتت أفـكاري
والحظ بيني وبينه خصــام زود في همي ومـــراري
ياصبر قلبي وكتماني علي غـــدر مـن مـره بعــاني
من اللي ياما أمنته وخان وعملته صاحب وعــاداني
صبرك ياعين . صبرك ياعين . صبرك ياعين ع أحزاني
============================
ياعيني دمعــك خـلاني . تايـه في أسمي وعنـواني
كفاية بكي وأنسي الأحزان دي نار دموعك كاوياني
صبرك ياعين . صبرك ياعين . صبرك ياعين ع أحزاني
===========================
بقلم // مسعد أبوهمسة
ليست هناك تعليقات:
إرسال تعليق