أغنيه
يابن أدم
بقلم تامر النقيب
___________________________
آه يابن أدم
من طمع نفسك
مهما عليت فى السما
أخرتها فين نفسك
أعمل عشان أخرتك
وإلحق بقى نفسك
القبر فى مسكنك
تبقى مع نفسك
__________
جرح القلوب خلا الدنيا
جوه العيون ليه حاجه تانيه
مانخدش منها غير الاوجاع
ولا تفارقنا ولا ثانيه
_________
حتى اللى يوم انا حبيته
جرحنى ليه لما دويته
ولما تسأله كان لك إيه
بيقول خلاص أصلى نسيته
____________
فى ناس تعيش ليه أنانيه
وناس قلوبهم معميه
الكل بقى بيقولك نفسى
يجرى ويجمع نقديه
_____________
الأخ بقى بيعادى أخوه
والابن بقى يدبح فى أبوه
والاب يصرخ م الحرقه
بكرة اللى سيبتو راح تسيبوه
_________________
النور بقى فى عيونى ظلام
وتعبت من غدر الأيام
والدنيا تضحك على همى
وإستخسرت فيا الأحلام
__________________
راحت خلاص منى الفرحه
وأحزان قلوبنا بقت طارحه
ودموع عينى مابتنمشى
على خدى سهرانه وسارحه
___________________
بصرخ بآآآآه من الاوجاع
والعمر منى عدى وضاع
والكل فاتنى لوحدى غريب
حتى حبيبى كمان أهو باع
___________________
الفرح للحزن يهدى
والجرح يملا مابيفضى
وجسمى بقى مليان بالالام
وأهى كلها أيام وتعدى
___________________
كانو الحبايب بحياتى
راحو وسابولى آهاتى
من صغرى وأنا شايل حملى
مكتوبلى ما أفرح بحياتى
________________
يادنيا خفى بقى عليا
وماتزيديش نار وآسيه
ماسبتليش ليه بقى لحظه فرح
وكتفه ليه رجليه
_________________
نفسى بطبيب يعرف مالى
ويقولى إيه اللى جرالى
مبقتش قادر على جرحى
فين الطبيب يوصف حالى
__________________
قالى الحبيب هو علاجك
لحظه مايخطر على بالك
قولت يمين بالله ماأنساه
قالى مرارة بيحلالك
_______________
يادنيا ليه فرقتينا
وكتير يادنيا وجعتينا
ماتحلى بس بيوم عنا
بقى فينا اللى مكفينا
_______________
فينا غلابه وناس مساكين
وكتير حيارى وكانو دايبين
راح اللى راح من بين إيدهم
وبضهرهم مليون سكين
______________
وأدى الحكايه ومافيها
هحسب جراحى واسميها
وأعدها وأكتب سطرين
كاره الدنيا وبلاويها
______________
الحزن بقى شكلى ولونى
ودموعى مسكنها عيونى
حد يقولى طب اعمل إيه
أغلى الحبايب تركونى
____________________
تامر النقيب """"من مؤلفاتى وليس منقولا
ليست هناك تعليقات:
إرسال تعليق