شط قناة السويس الجديدة .. تغريدة بقلم المبدع / أحمد بيومي

منى السرتي

 

شط قناة السويس الجديدة .. تغريدة بقلم المبدع / أحمد بيومي

وبعد الصبر و الغربة ..

ودموع في القلب حراقة من الفرقة ..

رجعنا لك يا مصر يا عفية ..

يا أم النيل والليل ....

نقول مواويل ونتسامر .. 

على شط قناة السويس الجديدة ..

نتحدى العدو ونغامر ..

والضحكة على خدودنا دموع فرح وسعادة ..

ما أخيراً دق الحظ على بابك ..

واتجمعوا أهلك وأحبابك ..

وأخدنا ما بين الكبار مطرح ..

قناتنا بإيدنا حافرينها ..

بعين القلب حارسينها ..

ومصر الغالية أهي بتفرح ..

وريسنا راح يزرع في كل بيت ضحكة ..

وراح يرسم للأمل سكة ..

حدودها شمال بحر أبيض ..

وجنوبها نيل بيتذوق ..

وغربها صحراء بتتعمر ..

وشرقها من دم شهدائنا بقى أحمر ..

تعالوا يا ناس نأخد لنا صوره ..

ده يا بخته إللي مع مصر يتصور .. 

بقلم المبدع / أحمد بيومي .. تغريدة في عشق مصر