حب الولد للوطن
*************
جايز يكون الوطن
مظلوم من اولاده
وكمان يكون الولد
مش لاقى فيه زاده
اوعنده عقدة قديمة
من بطش جلاده
لكن غرام الولد
خلى الوطن صاده
وبسهم حبه مش اكتر
مش عبد واسياده
عاش عمره كله بيهتف
ويجيله فى ميعاده
وان حد مرة غدربه
او شك ف امجاده
تلقى الولد كالاسد
وعيونه مرصاده
شايل فى كفه رقبته
وف نيته جهاده
حس بغرامه الوطن
ردد فى انشاده
انا الوطن مؤتمن
على عزة اولاده
والحب بينا كانه
الجد واحفاده
لكن ردود الولد
بان وسطها وداده
اصدر بيان نصه
للحى وجماده
فرحه بدون الوطن
راح يجعله حداده
دالنعمه هى الوطن
والذل فى بعاده
واللى يصيد فى الوطن
الحب صياده
بقلم/ياسر التونى
ليست هناك تعليقات:
إرسال تعليق