قوم ياأحمس طل علينا
شوف وصلنا لحد فين
احتلالنا منا فينا
والف دمعه فى كل عين
مافيش ماجوس ولا هكسوس
داحتلال ضعفاء نفوس
والقوى فوق أخوه يدوس
لأجل الفلوس
والفساد زاد وساد
ومافيش حساب
والشعب بيسف التراب
وكل يوم بيقف حداد
والبلد رايحة لخراب
الشعب وسط الزحمة تاه
ياألف ااه
لما ثار شاف المرار
والحظ بين حيتان رماه
والرحمه فين مع ناس طغاه
ناس مايعرفوش الله
ناس تحلل الحرام
وناس تضضل بالكلام
والجناه عاملين قضاه
ناس بتسرق بالقانون
وكل شئ مهما يكون يهون
ضمير يخون ويبدل شئون
مش مهم المهم يكون
ياأرض ياحدود ياكل مولولد
فيه رب موجود
بيدى وبياخد
وعلى كل شئ شاهد
وكل واحد له حساب
وفيه كتاب للشمال ولليمين
اسماعيل ذكى
ليست هناك تعليقات:
إرسال تعليق