ناملك ساعة
من بكرة هتبدا اللعبة
هيفاجئك وقت مخيف
هتبدا تعد
ثانية بثانية
تهرب من ذكرى تلاقى طيف
ياخدك بعيد
وكل اما تبعد
تشوف طيف يشبهله
تقرب يطلع مش هو
تلمح مكان تفتكره جوة
توصل تلاقيه فاضى
هتمشى ف دروب وسكك الوان
وتغير زمان وتبدل زمان
وتسال عراف
وتسال قاضى
وتفضل تلف
ما تملش ولا تتعبش
وتفضل تعد
وتفضل تمشى وتمشى
راضى او مش راضى
لازم تكمل
لو حاولت تبطل لعب
قوانين اللعبة ما تسمحش
وتفضل تعد
لازم تتحمل
من غير انسجام
من غير كلام
ونفسك تنام
وتحاول ما تعرفش
فناملك ساعة
ليست هناك تعليقات:
إرسال تعليق