اٍسمحــولى أقـدم ليكم .عرض حال دمغة
والدمــوع بتنــزل سيل .فوق الورق لامـعه
طلب اٍحاطـة مـن عاشق لمجلس الهوى
أقـدم ليكم همومى والعشم فيكم دواااااا
بعــد التحيـــة والسلام لكل قلوب البشــر
كنت بينهم اٍنســـان ورمــونى زى الحجــر
لا عـــــــدل كــان فيهـــــــم ولا أمــــــــان
فـى الحــب هما البشـوات واٍحنـــا الغجــر
امبــارح المشـــرع قال هانعمل اٍنتخــابـات
أتقـــدم شــوية عيــال على شــوية بنـات
فرافير ماشى رقاصين ماشى كله ماشى
قــولت أقــدم قلبى هــديه لست الستات
يمكن بعــد ثورة عشق وكنت فيها اٍعتصام
أدخل مجلس الهوى وأنـول شــرف الغـرام
طمـع النجـــوم فــى القمــر نـــزل المطــر
ورمونى أنا بكل غيرة وعتاب وسط المنــام
فيــن عــدل السنيــن فيــن هـو الحنيــــن
اللى قامت عليه ثورة العاشق مـن سنين
راحت وماتت ولا اليوم هاكون شهيد عيونها
لازم العدل يسود البشر قبل ظلام العنــين
خلص الكلام واٍنتهى والرأى فى الآنتظــــار
على عاشق الهـوى والعشق أصبــح نــــار
يا نسن قانون المحبــة والجميع ياخد حقـه
أو تقولو للدنيا السلام والعاشق يبقى حمار
ليست هناك تعليقات:
إرسال تعليق