شربت قهوتى الساده
وكالعاده فى الصباح بدرى
ومن بدرى انا اتوضيت
كمان صليت ركعتين فرضى
---------------------------
رميت حملى على ربى
وليه اشغل انا فكرى
توكالى عليه
وزرقى هايجى ودا قدرى
------------------------------
يوماتى وانا على دا الحال
كان لى حب مر خيال
لا باشغل نفسى بالدقات
ولا قلنا ولا دا قال
--------------------
مطحون والدنيا وخدانى
وعمرى ما قلت اه يانى
لا عندى وقت على قهوه
ولا فكرت بحبيب تانى
-----------------------
نسيت الحب من بدرى
ودا قدرى
احب فى مين
وحب الزمن ده
بقى غالى
عايز شبكة عايزله مهر
وكله يا ناس فى العالى
--------------------------------
وحالى يا دوب على أدى
وحتى الحلم ما ودى
اخاف حلمى يكون غالى
نسيت انا شكل احلامى
وزادت عندى ألامى
------------------------
كفاية قهوتى الساده
وبقت عاده -
افكر فيها بسيجارة
واعود للمة الحارة
كنا زمان اه يا زمان
شبابى راح يا خساره
------------------------
عايش عمرى وحدى وحيد
اشوف الناس بعيد لبعيد
اسيبكم الان ميعاد نومى
عشان اصحى عمل يومى
---------------------------------
خسارة القهوة خلصانه
كنت فاكرها مليانه
واعمل ايه
ولسه الشهر
باقى منه كتير ياما
---------------
حتى القهوة خاصمتى
راحت منى وسابتى
كنت اشكى ليها حالى
وحالى عذاب
ما عندى احباب
كل احبابى فاتتنى
---------------------
عشان دوزغرى
واحب الجد
وعمرى ما قلت ليك وعليك
أو أخدع حد
--------------------
لكن زمانا كله خداع
ده مكار وده طماع
فيه اشكال ياما كتير
تشوف على كل لون انواع
---------------------
وانا بطبعى ما عمرى اتباع
وعمرى ما كنت يوم جانى
وحلمى ارجع لفنجانى
واعزف بيه الحانى
----------------------------
اغنى لنفسى
على نفسى
وليه يا دنيا ليه تأسى
انا غلبان ووحدانى
ليست هناك تعليقات:
إرسال تعليق