سلام يادنيا سلام
بودعك من غير كلام
خدتى منى وخدت منك
شربت حلوك وشربت سمك
شوفت فيكى وياما شوفت
بلاد وبلاد ياما طوفت
شوفت فيكى العجب الوان
شوفت فيكى حرب وسلام
شوفت فيكى حياه وموت
واللى بيتكلم
واللى ماله صوت
كلو عايش فيك واحد
ماعمرك فرقتى بين واحد وواحد
فيكى الغنى وفيكى الفقير
فيكى الامير وفيكى الغفير
كلو فيكى عمال يجرى
شمال يمين قبلى وبحرى
وفى الاخر هنودعك
ولا واحد فينا هيوجهك
خلص الكلام خلص الحوار
وصلنا لاخر المشوار
سلام يادنيا سلام
ليست هناك تعليقات:
إرسال تعليق