فين الارادة والعزيمة
طول عمري بشوفك بطل
اياك تقلل همتك
انسي وقوم للعمل
الهم بيقتل الحياة
ويزود في قلوبنا الوجل
القمر بيبدأ دايما هلال
وبالصبر بدره بيكتمل
الحياة عاوزة قوة وارادة
والسعي يقتل الملل
مش معني انك في يوم عانيت
تنسب لنفسك الفشل
لكل جواد كبوات كتير
وبسرعة جرحه بيندمل
قوم بص لطيور السما
من الفجر تصحى للعمل
تسعى في ارض الله يوماتي
ترجع ورزقها مكتمل
النحل ليه سموه دؤب
لانه كاره الكسل
يطير ويجمع الرحيق
واحنا ال نجمع العسل
لا عمره مل ولا قال كفاية
وادينا بنضربه المثل
شمر دراعك وأبتدي
وايمانك بالله متصل
ربك وهبلك صحتك
قوم من همومك اغتسل
بعد التعب ييجي النجاح
وفرحنا بيك هيكتمل
تجني بأيدك ثمرة شقاك
دا ربك اعطانا الامل
********
ليست هناك تعليقات:
إرسال تعليق