ياعسل مُر فى عروقى
*************
ياعسل مُر فى عروقى
فين غروبى بعد منك ؟
وفين شروقى ؟
كل يوم بصحىَ وأشوف
الواد دسوقى إبن خلتى
كل يوم مع واحده شكل
وأنا إللى واقف مكانى
أبكى على الأطلال
بالذمه ده يبقا عقل ؟
عقل أيه والواد دسوقى
عايش حياته وكمان فرحان
هو الراجل أيه فى الأخر
غير بضاعه
بتقلب فيها النسوان
والله لو ماانا خجلان
كنت أدى لدسوقى نيشان
لكن مابينى وبينه فروق
وكل يوم ألعن فروقى
ياعسل مُر فى عروقى
*********
ياعسل مُر فى عروقى
من وهمك ياريت تفوقى
لحد إمتىَ هاتسبينى
فى الهم وتهربى
كنت فوق الهم دايماً
النهارده الهم فوقى
لو هتحمل النهارده وبكره
طب وبعده هاعمل أيه
وكل مااقابل أى شئ
بلاقى صورتك فيه
وإذا كنت معاكى حاسس بحروق
فى بُعدك هاحس بأيه ؟
ذودتى ليه فيا حروقى ؟
ياعسل مُر فى عروقى
***********
ياعسل مُر فى عروقى
ماتيجى هو أيه يمنعك
من رجوعك ؟
مش هاعتبك ولا هاحسبك
ولا هتحمل أشوف دموعك
واللا فى حد تانى مالى مكانى ؟
وأنا إللى فاكرك
من مُر الفراق بتدوقى
إوعى يكون الواد دسوقى ؟
خايف لايطلع خاين فى النهايه
ماانا ياما كلمتك عنه
ومدحت كتير قدامك فيه
وده إللى قال النبى ( ص) عليه
إوعاك تمدح صحبك قدام زوجتك
لا زوجتك تطمع فيه
بس أنا كانت نيتى سليمه
وإنتى نيتك كانت أيه ؟
وليه فاكره حقوقك وناسيه حقوقى ؟
ياعسل مُر فى عروقى
***********
ياعسل مُر فى عروقى
سيبانى ليه زى البيت الوقف ؟
لامنى ميت ولامنى عايش
وجسمى نَحس من الوقفه
وأنا واقف فى أخر الصف
وفرشى خلاص أصبح فايش
نسوان البلد بيسألونى
حبيبتك فين ؟؟؟؟؟؟؟؟؟
مره أأقول عند أمها
ومره واحده أحرق دمها
وهما كلهم عارفيييييييين
وعملين مش مبينيييييين
وإللى تجيلى بفستان أحمر
وإللى تجيلى بفستان أخضر
وإللى تجيلى بفستان أبيض
أنا جالى بكل الألوان
وإنتى ليه مش عايزه تجينى ؟
عايزك تجينى عشان تعفينى
خايف أغلط ماانا إنسسسسسان
والدم بيجرى فى شرايينى
وهقولك أيه ؟؟؟؟؟؟؟
متلومنيش لو يوم تلاقينى
بقيت مستهلك من النسوان
متلومنيش لو يوم تلاقينى
بقيت مستهلك من النسوان
( دسوقى إسم مُستعار وليس من الواقع)
*****************
ياعسل مُر فى عروقى
بقلم الشاعر يوسف الحمله
14/4/2015
ليست هناك تعليقات:
إرسال تعليق