جالي ابني
وقالي عايز أتجوز
قلت
بنت مين
قال
جميله أوي ياأمي
وعيونها حلوين
نظرتها داوت
قلبي المجرووح
بقاله سنتين
عقلها يوزن بلد
وكلامها زين
لوشفتيها ياأمي
صبيه تملي العين
أصل وطيبه وأخلاق
زي مقال الدين
قلت
طيب قولي هم عندهم
أملاك وفدادين
قال لا
قلت
متنفعكش يابني
وايه يفيد الزين
لايوكل ولايشرب
في أيام بألف وألفين
لكن ياأمي بحبها !!
بتحب مين !!
أهم حاجه ناس
يكونوا مبسوطين
قال
ازاي ياأمي أموت
حبي عشان قرشين
أعيش طولي عمري حزين
قالت لايابني راح تنسي
لما تخلفلك عيلين
أنسي ازاي ياأمي ؟؟
وأنا جواي حب
اتمنيته من سنين
قال
سامحيني ياأمي
لوعصيتك أحسن ماعيش
طول عمري حزين
قلت
لايابني مش مسامحه! !
بتتجوز اللي أنا أختارها
وفي يوم من الأيام
تروحوا حبيبين
قال
حاضر ياأمي !!
لكن كدا بتقتليني
عشان الفدادين
ماتنفعا أملاك
مادمنا عايشين ميتين !!
ليست هناك تعليقات:
إرسال تعليق