** - النتيجة الإجمالية - **
الحكاية إني ..... عشقتك
من زمان
مش م النهارده .
الحكاية إني ..... عشقتك
يوم م شفتك ...
بس إنتي ...
مني ... تهتي .
=======
عارفه أول يوم قابلتك ...
شفت فيكي ...
حلم عمري .
قلبي شافك ...
قال دي ... قدري .
كان في نفسي
أقول بحبك
إنتي في القلب إترسمتي .
=======
فاكره لما في يوم لمحتك
وإنتي فايته جنب مني ...
كنتي زي البدر هله
قلت ليكي ب إبتسامه
تزعلي ... لو عاكستك
وبراءه ... قلتي عاكس ...
أنا ... زي أختك .
قلت إنتي أحلى وردة
بصيتي لي وف عيونك
شفت كل الكون ملايكه
لما ..... إبتسمتي
=======
فاكره لما ف يوم غضبت
والغضب كان زي ثورة
كان يوميها صحاب كتير
واقفين معانا
كلمه منك ريحتني
ولطبعتي ... رجعتني
كانوا صح صحاب كتير
بس إنتي إللي ......
=======
ربنا جمعنا تاني
ولسه بتقولي أخويا ...
طاب ... وماله
م ... إنتي ... أختي .
و ... إنتي ... أمي .
و ... إنتي ... بنتي .
حبي ليهم جمعيه
ويا حبك إللي ساكن
جوه قلبي .
النتيجة الإجمالية ...
حبي ليكي
يا حبيبتي ............
ليست هناك تعليقات:
إرسال تعليق