الشاعر محمد محمد الساعى .. محافظة البحيرة
كراكيب
قرص الطعميه اللي بسمسم
شدَّني للريحه المعتاده
والبحر بيلفظ اسماكه
والسمكه بتخرج م الميه
وبديل مقصوص
الواد محروس...
بيناول عمه اللي بينده
لترين بنزين
علشان التوكتوك وقَّف منه
ف نص السكه
عشرين فكه؟؟؟ ... معاييش
خدلك بالباقي بونبون ولبان
عمك شعبان قاعد بيشد يادوب نفسين
قام قاله حسين:
الواد ابن ام البت شروق بيسب الدين
قام سمعه الشيخ عباس
واداه قلمين
وش القهوه المسحوب منها
خلاها ماليها ريحة الطعم
والسما بتمطر وانا قاعد
لابس صيفي
هو بكيفي؟
مانا قمت الصبح لقيت الجو كأنه ربيع
بصراحه فظيع..
لما تلاقي عمك ايوب قاعد على باب الحاره
بيشحت
مش بس فلوس ..
انما كلمه تحسسه انه
مابقاش ميت
وعيون بتفتح على ضحكه
انما مايصه..
عالم هايصه مالهاش لازمه
اما الازمه..
انك بتشاور للتاكسي ..
لكن مايوقفش
تسأل اتوبيس 25 هايفوت امتى؟
تسمع ... ما اعرفش
عنّك ما عرفت
ويادوبك شفت
الواد تيفا بيجري ويفتح
مليون موضوع
ويادوبك لسه هايتكلم
قلتله اسكت
النور مقطوع
والنور أهو جه
وابتدا عاطف يفتح مواضيع
- الناس بتضيع
قلتله اهدا يا صاحبي وروَّق
واد ياسمك ايه هات واحد شاي
- على عيني ياباشا
وعندك يابني هناك شيشه
اوعى الماشه
راح تحرقني يابن الفرطوس
قام قال آسف
ولقيت عاطف..
مهموم وحزين
قتله ارغي
قام قال على فين ؟
* فيه ايه يابني شكلك مسطول
انجز .. ماتقول
قام قالي لفين وخدانا الخطوه المكتوبه
على ضحكه بتتمنى شفايف
ولا هانتكعبل – كالعاده – ف مليون طوبه؟
عمك عزوز اللي ف آخر بيت في الحاره
ماشي بيتكلم مع نفسه
بقى فاقد اي شعور بالناس
حتى الاحساس .. ما بقاش حًسّهُ
والواد برهوم ابن ام الست بهانه
جهِّز اوراقه عشان يرحل
ويسيب الحاره الغرقانه في بحور اليأس
وامه بهانه مالهاش غيره
واهو ماشي ورايح لمصيره
والبت ررجاء..
زينة قمرات الحته بحالها
واقف حالها ومش لاقيه عريس
والواد عتريس بيبع على باب الحاره حشيش
والشيخ عباس حاول ياما علشان يهديه
فيرد يقول وانا هاعمل ايه
ماهو شغل ... مافيش
* واد ياسمك ايه هاتلينا حجرين
ومعاهم قهوه على الريحه
وتصب القهوه ف كوبايه
اما انا بقى شايل فوق كتفي
اطنان م الهم
ماتفتح وانت بتمشي ياعم
بتدوس رجلي ولا حاسس ليه؟
أعذرني يابيه
الهم سحابه على عنيا خلتني
ماباقدر حتى اشوف
معلش ياحج
كلنا في الهم اخوات وضيوف
وانا راسم بسمه على شفايفي
وكتيييير متفائل
قام قالي بزمة اهلك انت ياواد عاقل؟
ازاي مستحمل كف الدنيا وراه 100 كف؟
وتقول متفائل؟؟
اما انت صحيح مجنون غلبان
قلتله بص يا تيفا ودقق
الدنيا دي كاس .. نصها فاضي
والنص التاني اكيد مليان
ويادوبك لسه راح اتمطع
واشرحله ياهوووووووه ام الموضوع..
قام قالي اتنيل وحياتك
مانتش حاسس؟؟؟
النور مقطوووووووع
كراكيب
قرص الطعميه اللي بسمسم
شدَّني للريحه المعتاده
والبحر بيلفظ اسماكه
والسمكه بتخرج م الميه
وبديل مقصوص
الواد محروس...
بيناول عمه اللي بينده
لترين بنزين
علشان التوكتوك وقَّف منه
ف نص السكه
عشرين فكه؟؟؟ ... معاييش
خدلك بالباقي بونبون ولبان
عمك شعبان قاعد بيشد يادوب نفسين
قام قاله حسين:
الواد ابن ام البت شروق بيسب الدين
قام سمعه الشيخ عباس
واداه قلمين
وش القهوه المسحوب منها
خلاها ماليها ريحة الطعم
والسما بتمطر وانا قاعد
لابس صيفي
هو بكيفي؟
مانا قمت الصبح لقيت الجو كأنه ربيع
بصراحه فظيع..
لما تلاقي عمك ايوب قاعد على باب الحاره
بيشحت
مش بس فلوس ..
انما كلمه تحسسه انه
مابقاش ميت
وعيون بتفتح على ضحكه
انما مايصه..
عالم هايصه مالهاش لازمه
اما الازمه..
انك بتشاور للتاكسي ..
لكن مايوقفش
تسأل اتوبيس 25 هايفوت امتى؟
تسمع ... ما اعرفش
عنّك ما عرفت
ويادوبك شفت
الواد تيفا بيجري ويفتح
مليون موضوع
ويادوبك لسه هايتكلم
قلتله اسكت
النور مقطوع
والنور أهو جه
وابتدا عاطف يفتح مواضيع
- الناس بتضيع
قلتله اهدا يا صاحبي وروَّق
واد ياسمك ايه هات واحد شاي
- على عيني ياباشا
وعندك يابني هناك شيشه
اوعى الماشه
راح تحرقني يابن الفرطوس
قام قال آسف
ولقيت عاطف..
مهموم وحزين
قتله ارغي
قام قال على فين ؟
* فيه ايه يابني شكلك مسطول
انجز .. ماتقول
قام قالي لفين وخدانا الخطوه المكتوبه
على ضحكه بتتمنى شفايف
ولا هانتكعبل – كالعاده – ف مليون طوبه؟
عمك عزوز اللي ف آخر بيت في الحاره
ماشي بيتكلم مع نفسه
بقى فاقد اي شعور بالناس
حتى الاحساس .. ما بقاش حًسّهُ
والواد برهوم ابن ام الست بهانه
جهِّز اوراقه عشان يرحل
ويسيب الحاره الغرقانه في بحور اليأس
وامه بهانه مالهاش غيره
واهو ماشي ورايح لمصيره
والبت ررجاء..
زينة قمرات الحته بحالها
واقف حالها ومش لاقيه عريس
والواد عتريس بيبع على باب الحاره حشيش
والشيخ عباس حاول ياما علشان يهديه
فيرد يقول وانا هاعمل ايه
ماهو شغل ... مافيش
* واد ياسمك ايه هاتلينا حجرين
ومعاهم قهوه على الريحه
وتصب القهوه ف كوبايه
اما انا بقى شايل فوق كتفي
اطنان م الهم
ماتفتح وانت بتمشي ياعم
بتدوس رجلي ولا حاسس ليه؟
أعذرني يابيه
الهم سحابه على عنيا خلتني
ماباقدر حتى اشوف
معلش ياحج
كلنا في الهم اخوات وضيوف
وانا راسم بسمه على شفايفي
وكتيييير متفائل
قام قالي بزمة اهلك انت ياواد عاقل؟
ازاي مستحمل كف الدنيا وراه 100 كف؟
وتقول متفائل؟؟
اما انت صحيح مجنون غلبان
قلتله بص يا تيفا ودقق
الدنيا دي كاس .. نصها فاضي
والنص التاني اكيد مليان
ويادوبك لسه راح اتمطع
واشرحله ياهوووووووه ام الموضوع..
قام قالي اتنيل وحياتك
مانتش حاسس؟؟؟
النور مقطوووووووع
ليست هناك تعليقات:
إرسال تعليق