كتبت الاسم مستعار
وحفره كلمتى ع كل دار
اسالوا اهل القبور
ولا الحلم المقفول
عليه باب وسجان
اسالوا اهل الميدان
مين فينا اللى ما دمه سال
اسالوا كل الجدران
اسالوا التراب اللى لونه الدم
اسالوا كل ام ماليها الحزن والغم
اسالوا الدموع اللى ماليه العيون
اساوا الصرخه اللى كتمه الحناجر
وشوفوا مين اللى اتولد عشان يكون غريب
وسط بلد وارضه الحبيب
اسالوا مين علمنا الجهل جرعات
ليه علمونا الخوف م الصغر حتى الممات
وبنكتب اسمينا مستعاره
وبنخدم وطنا حتى لو كنسنا
كل شارع وحاره
ويبقى الاسم مستعار
لتبقى الكلمه سيف
فى وش كل غدار
ويا اللى علمتونا الخوف
بالكراسه والقلم
ع ايديكم اصبح العلم ندم
علمتونا الخوف ساعات
ونستوا تعلمونا معنى كلمه احترام
ويبقى الاسم مستعار
ليست هناك تعليقات:
إرسال تعليق