أسألك يا صاحبي ممكن كام سؤال
بس جاوبني بصراحه
أصلي عارف واللي من قبلينا قال
إن في الصراحه راحه
تعمل ايه ؟
تعمل ايه لوكنت زيي *ولا لو كنت ف مكاني
اصلي حاسس ان جرحي * اتخلق مخصوص عشاني
ولا اقولك طب يا صاحبي
احكم انت من كلامي
صعب انك يوم تصدق
مهما هوصفلك ألامي
عيش معايا ******
عيش معايا بس تدخل
جوه تفاصيل الحكايه
تعمل ايه ؟******
تعمل ايه لو كان طموحك
في الحياه سهل وبسيط
بس تحس ان انت راكب
مركبه ف قلب المحيط
مركبه ومن غير مجادف
وانت وسط الضلمه خايف
مش محصل طوق نجاه
ولا نور البر شايف ***
تعمل ايه ؟*
تعمل لو تودع * الحبايب غصب عنك
والوداع جرحه بيوجع * والحياه بيسحبها منك
تعمل ايه؟*
تعمل ايه لما تلاقي
الدمعه ف عيون الأحبه
وانت دمعك جوه قلبك
بس عايزه يستخبي
لا يشوفوه ف نن عينك * والهموم تزيد عليهم
تحبس الحزن وأنينك * وبكلام كدب تواسيهم
تعمل ايه ؟*
تعمل ايه لما بنتك
بدموعها بتقولك بلاش
عايزه حضنك يبقي جنبي
يملا بالفرحه سينيني
إوهب الأمان لقلبي * ومن عيون الناس داريني
تعمل ايه ؟*
تعمل ايه لما إبنك
اللي ف عيونه ملامحك
لو يقولك لو تودع
صحبتي مش راح اسامحك
لو يقولك ما تسافرش
عايز الفرحه تدوم
الحياه مش بيت وعفش
وبرضو مش عايز هدوم
انا نفسي تكون معايا
حد لسلوكي وعمايلي
ده انا من غيرك بحس
اني ضعيف قدام زمايلي
تعمل ايه؟
ولا اقولك دي الكبيره
بس مش هي الأخيره
تعمل ايه ؟
تعمل ايه لما ابنك
اللي عمره يا دوب شهور
لما يتعلق ف حضنك
والدموع ف عنيه تدور
لسه ما بينطقش اسمك
بس قلبه بيناديك
وسامعه من جواه يقولك
حضني هان قوام عليك
تعمل ايه ؟*
تعمل ايه لما واحده
إدتك روحها هديه
من هموم البعد شاربه
بس صابره ومداريه
لو تقولك مش خلاص
ع الفراق ومش كفايه
عدي لجوازنا كام سنه
كام قضيت منهم معايا
لما تلمس نبض قلبك
والدموع في نن عينها
وبألام الشوق تقولك *يقطع الغربه وسينينها
ده انا من غيرك بحس * ان الضياع هيكون مصيري
لو مره ف مرايتي ببص * بلاقي فيها واحده غيري
تعمل ايه ؟*
تعمل ايه لو وسط اوجاعها تقولك
خلا ص براحتك
انا كل اللي ف منايا
هو راحتك
عشان أمالك والطموح
قلبي هيسيبك تروح
بس افتكر إني ف بعدك * جسم من غير أي روح
تعمل ايه ؟*
مالك يا صاحبي زعلت ليه
والدموع اللي ف عينيك
قلي بتنزلها ليه ؟ هو همي زاد عليك
طب هقولك ** مش سألتك
وانت مش لا قي الجواب * سيبني اجاوبك
انت تعرف قلبي صابر * ع الفراق والبعد عنهم
واللي بيهون عليا ** إني متغرب عشانهم
ليست هناك تعليقات:
إرسال تعليق