الـــنــاس

إيه جرى يا دنيا للناس؟ ....

ليه فقدوا الحب والأحساس ؟.....

وليه الطيب بينهم ينداس ؟....

وليه يتحكم فيهم اللى ملوش أساس؟....

فيه ناس الطيبه ليهم عنوان ....

من وجوههم تعرفهم فى أى مكان ..

والخير عليهم بيكون برهان ...

وفيه ناس كمان مفتريه ...

وقلوبهم ماتعرفش يعنى أيه حنيه ...

كل اللى يعرفوه هى الآسيه ....

وفيه ناس على أمرها مغلوبه ...

عايشه ومداريه ورا طوبه ....

ناس الهموم هداها ...

محتاجه لكن مش معاها ...

الدنيا شاريه غيرهم وبيعاها ...

وأدى ناس من نوع تانى ....

طبعهم أصله أنانى ...

تقرب منهم أكيد هتعانى ....

ناس الغدر فى طبعهم ...

عاوزين كل شىء عندهم ....

على غيرهم دايما حاقدين ....

مايعرفوش أن الرزق من رب العالمين ...

وآدى الناس الطيبين ....

اللى عندنا أغلى من ضى العين ...

اللى أديهم بالخير مادين ..

أصل الناس أنواع ...

بقلـــــم: عـــــادل الشـــــهـــابى