د. محسن الشرقاوى " فى حب مصر "

د.محسن الشرقاوى

فى حب مصر : 

إلى مصر .. وكل من عشقها .. وأحبها .. 

إلى الحاقدين .. وكل من يحاول أن يكسر قلبها ..!!

هذه هى قصيدتى الأحدى عشر : ......مين فينا حُبها ..!!

11- مين فينا حبها ..!!

مين فينا حُبها .. مش ساكن جوه قلبه وروحه والوجدان ..

مين فين حُضنها .. مادوقوش حنان .. وحسسه بأمان ..

دى أمنا وحياتنا .. وأحلى ذكرياتنا .. منورة المكان ..

على أرضها أتولدنا .. ورضعنا شهدها وكان طعمه جنان ..

مين فينا حُبها .. مش ساكن جوه قلبه وروحه والوجدان ..!!

********

الأسم .. مصر بلدى .. والجسم ورد بلدى ..

ف ترابها مطوى جدى .. وبعدى جاى ولدى ..

يشيل عنى همومها .. ولنور بكره يعدى ..

مين فينا حُبها .. مش ساكن جوه قلبه وروحه والوجدان ..!!

********

زى ماأديتنى وأنا .. طفل صُغير وليد ..

بأديها من فؤادى .. حتى لو أموت شهيد .. 

نفسى بلدنا الأصيلة .. الخير فيها يزيد ..

وتزيد جمال وحلاوة .. والكل يبقى سعيد..

مين فينا حُبها .. مش ساكن جوه قلبه وروحه والوجدان ..!!

********

علشان تعلا البلد .. والناس تعلا معاها ..

علشان تحلا البلد .. ويفيض خيرها وهناها ..

علشان الفرحة ترجع .. ونتنسم هواها ..

هات أيدك ويا أيدى .. وعقلك ويا عقلى ..

وقلبك ويا قلبى .. نبنى فيها .. نعلى ..

مين فينا حُبها .. مش ساكن جوه قلبه وروحه والوجدان ..!!

د. محسن الشرقاوى

ومازال للحب بقية ..!!

ومازال للشعر بقية ..!!