اسم الله عليك وعلى جمالك
وعلى حلاوتك وقوامك
ماشى على الارض هددها هد
ومخلى كل حاجه بتشب
وانت ولا فى دماغك حد
ميت مره وانا الفت نظرك
وانتى ولا حاجه بتهمك
نفسى مرة تقولى كلمه
ولا أشوف نظرة عينك
مقرب أمد أيدى واشحتها
بدال مش عايز كده تنطقها
ولا عايزنى حتى أشوفها
مقرب أمد أيدى واشحتها
بدال مش عايزنى أشوفها
مانت عارف وفاهم عنيه
وعارف انها مشتقاها منك
مالك بتقول ياأرض اتهدى
وامفيش حاجه عليكى ادى
عمال تزلزل ف قلوب وراك
ونظره واحده مابنشفهاش
ان كنت شايف نفسك جميل
خلق الله فى الدنيا كتير
بس اعمل ايه لقلب زللنى
متشعلق زى العيل فيك
وكل ماعاتبه فى عذابك ليه
يصعب عليه ودموعه تفيض
ماهو لو قلبك شوقو يحس
ولا عنيك بيجيبها عشق
كان م الشوق قلبك رق
وكنت جريت على كلمة حب
دنا نفسى تقولى كلمه
وارد عليها بميت كلمه
بس انت حارم نفسك
وقافل على نفسك قلبك
دى كل الناس عرفت مواعيدى
ولما بظهر ادام عنيهم
بيظبطوا ساعاتهم ف اديهم
ارحم نفس ماتقتلهاش
عشان دى ذنوب هتشوفها هناك
على تناكتك فى خلق الله
اللى كويت بيها خلقه معاك
وان كنت شايفها نصاحه
داكبر على عباد الله
دا كل الناس بتدعى عليك
ونفسها تشفى غليلها فيك
مالك مش عايز تحن
لقلب عشقك عشق
وكل ماحب اعرف عنوانك
تجرى وتزوغ فى مكانك
هو العمر فيه كام يوم
عشان يضيع بعندك ليه
ان كان ليك ماضى مخبيه
ماهى كل الناس مخبيه كتير
ولا ان كنت عاشق حد
عرفنى انا قلبى اتهد
وروحى مش طايقه حد
ماهم كل العشاق اصحاب
فى الهوى ملسوعين بالنار
انا مقرب اهاجر منك
واسيب الدنيا علشان خاطرك
ليست هناك تعليقات:
إرسال تعليق