أنا بين حروفي.. مبعتره
والكلمه جوا ضلوعي نار
قايده معاني.... ممرره
تكويني....تعصر مهجتي
تنزف مشاعري المهدره
بس ف لساني محجره
مش قادره تتحول حروف
رغم إن ..جوايا المعاني
صفوف........صفووووف
متنظمه حبه وحبه مهرجله
مش قادره أقول أصل الشعور
فاق كل لهجه وكل قول
مش قادره أقول أصل
اﻷلم ....فوق قدرتي
والصمت ع الزور والغرور
خنجر بيغتال صرختي
ولمييييييين أقول؟؟!!!
لصديق يخاف يفتح
ودانه لشكوتي؟؟!!!
وﻻ لعدو تطرب ودانه أنتي؟!
وﻻ لجريح وجراحه هيه بلوتي؟!
*************
يا قلبي ياللي نزف جر حه
ف كل دار
يمني وشامي ومصري ليبي
والﻻ غزه في الحصار
وسحابة الخير يا رشيد
اتحولت...قتل ودمار
حولها حقد...طمع... وغدر
وزور عصابه ...مجرمه
مسوا العروسه...أرمله!
وزهور بريئه... صغيره
أحﻻم ربيعها...مبعتره
خلوا الحقيقه...ممرره
بإدين كﻻب... متنمره
*******
فين الكﻻم ؟؟؟؟؟!!!!
أنا عاوزه أقووووووول
أنا نفسي أقووووووول
براكين عذااااااااااااااااااب
جوه ضلوعي... مفجر
نشف الكﻻم بين اللهب
مات الكﻻم في الحنجره
وبكيت وانا حاضنه القلم
والمحبره
أصل المصيبه فوق حروف
كل اللغات.....كل اﻵهات
كل الدموع جوا قلوب
جناحات سيوفها مكسره
وسكت لكن.....مجبره*
ليست هناك تعليقات:
إرسال تعليق