(عتاب )
حبايبنا لينا عتاب معاكم @ يمكن يخفف حملنا
يااللي بقلوبنا حبناكم @ ووصلكم كان همنا
هو انتو يعني عشان هواكم @ سكن ف روحنا وقلبنا
تظلموا القلب بجفاكم @ ويهون عليكم جرحنا
بقي بعد ما سهرنا سوا @ نشكي همومنا لبعضنا
الحب كان لينا دوا @ والعشره عيشنا وملحنا
بقي بعد ما نسينا معاكم @ سينين كتير من عمرنا
تظلموا القلب بجفاكم @ ويهون عليكم جرحنا
عشنا معاكم ف الغرام @ وفرحكم كان همنا
و شلنا وياكم ألام @ ونسينا حتي همنا
وعشان طلبنا ف يوم رضاكم @ القسوه تبقي بختنا
وتظلموا القلب بجفاكم @ ويهون عليكم جرحنا
طب سبتوا ايه للي ما يعرف طبعنا ******
وازاي نلوم واحد غريب مش مننا*******
لو مره خانا وذلنا ***********
أو حتي داس بكل قسوه @ في التراب علي قلبنا
وازاي نعاتبو لو يخون @ واحنا اللي ضيع عمرنا
ناس كنا لعيونهم جفون @ وبنعتبرهم أهلنا
وعشان وهبنا الروح فداكم @ تبيعوا شوقنا وودنا
وتظلموا القلب بجفاكم @ ويهون عليكم جرحنا
مستكترين علينا حتي إننا @ نفرح يومين من نفسنا
دي الضحكه دابت ف البعاد @ من كام سنه
لقيناها ف وصالكم @ بتجري تضمنا
عايزينها تاني تختفي @ والحزن يملا وشنا
بس اسمعوا خلاصة كلامنا@ ما بقاش فيه حاجه تهدنا
احنا خلاص طول البعاد @ ولد قساوه ف قلبنا
وبقينا من كتر العناد @ الجرح مش بيهمنا
###########
بقلم /ناصر حافظ
ليست هناك تعليقات:
إرسال تعليق