رسموا لطفل صوره كبيره
عفريت مخيف اسمه الطاعه
بضمير ميت كفيف
رسموا لطفل فكره عقيمه
حب الوطن عار وخيانه
خاليك كده ضيف خفيف
اياك ف يوم تكون انسان شريف
عيش ف الحياه
غش ف غش
وركب ليك
ميت وش و. وش
ربوا الطفل يعيش جبان
يتقال قيام يوقف ويتمنع الكلام
كبر الطفل واتمرد ع الحياه
رافض النطاعه وانه يكون جبان
حلم يعيش انسان
كافر بالمبادئكم
كافر بكل ما فيكم
رافض يكون لعبه ف ايديكم
رافض اهانه والمهانه
رافض يكون عدد كماله
رافض يعيش حياته بكمبياله
رافض يتغدى من الزباله
ولا يعيش حياته بالقبور
ولا يكون صف من الطبور
انسان خلقه الرحمن
ولا يوم هكون لغيره معبود
كبر الطفل واتمرد
ولا ف يوم عن حبك يفرت
يا وطنى
سكن حبك ف قلبى
باقي نيلك يكمله دمى
ارسموا لطفل صوره مضيئه
بينوا فيها الحقيقه
يتعلم بالقلم الرصاص
ولا يكون الصدر ليه امتصاص
هاتوا ورقكم وسطرور
يمكن يرد على السؤال
اللى محيره
وراسموا لطفل عفريت جبان
وكبر الطفل والتعلم الكلام
ورافض يعيش ف يوم متهان
وياوطن
يسكن حبك بالقلوب
ولا يوم اكون اسم لعدد مكتوب
ابراهيم عبدالله
ليست هناك تعليقات:
إرسال تعليق