دنيا الوجع
دنيا الوجع طرحت آلام
خدت السعادة والابتسام
حتى العيون نسيت تنام
والقلب ضاع منه السلام
ولا عاد فى حاجة للكلام
وفى كل يوم نكسب عدو
ونخسر صديق
معرفش لية حاسس بضيق
والرجل بتضل الطريق
شاعر بان فيه شىء خنيق
اياك فى يوم يا قلبى
يقتلك الوجع
خليك قوى وراجل جدع
خد حكمتك من طير جريح
طار فوق قوى
وفى الاخر هجع
واوعاك ف يوم
تطلب مودة من اللئيم
ده ف عشرته كل الجحيم
وفى قربه راح تفضل سقيم
انسى اللى فات وابدأ جديد
عيش خلى قلبك من حديد
واشطب سجلك القديم
وساعتها بس تكون سعيد
بقلم / محمد فصيح
ليست هناك تعليقات:
إرسال تعليق