****عَرَبِى وشِرْيَانى دَمْه عَرَبَاوى ***
عربى وشريانى دمه عرباوى
ولغة القران لغتى من غير حكاوى
النيل والفرات من الجنة
وكل مؤمن يتمنى
يسكن فيها ويتهنى
* * *
عربى ميراثى كبير
والطمعانين فيه كتير
اللى طمعان فى بترول
وتانى طمعان فى النيل
وناس طمعانين تفرقهم
عشان الحمل يخف ويشيل
وربك حاميهم والحمل تقيل
* * *
أنا عربى جدى عليه السلام إسماعيل
ودمى مخلوط بمية النيل
والحرم ومكة على ضفاف النيل
وطهر زمزم يسقى العليل
وفرات العراق وكل السودان
وبقى العرب والكل فان
* * *
أنا عربى بدعى ليل ونهار
ينصر اللى يخاف على بلده وكل الاحرار
ويدق فى عين العدو مسمار
وينصر عروبتنا وكفاية مرار
* * *
سلاح العدو قوى
وفيه ناس فى غيبوبة
عايزه تهد بلادنا والارادة مسلوبة
النصر من الله مش بكتر السلاح
وحد قواك وحى على الفلاح
د\ محمد حسن 27\5\2015
ليست هناك تعليقات:
إرسال تعليق