تمت إضافة 2 صورتين جديدتين من قبل حسن دنقل أبوأدهم.
عزفوا على الربابه
أه ياليل ياعين
وحزن جوه وطن
بكى على ولادى
محبوس والاصل حر
جواه صرخه تنادى
سيبوا الحياة تمر
والله يكون راضى
المر فى عيشى علقم
لففنى على كعابى
ربابتى عماله تشعر
والوتر كان آلم
لما قولت لا
خدنى الباشا قلم
كفنى جوة علمى
ورمانى وسط جبل
هربت من الديابه
وقعت فى حضن عدم
قولى ياربابه
وانتى من غير وتر
وترك أصبح شبيه
بوطن كسرة الزمن
صوت الربابه كان
مزلزل الاحرار
قالوا الكرمه فين
والعيش ويا التراب
لكن زمنا لف
وزرع وطنا كلاب
ماشيه عماله تنهش
فى اليابس والضباب
لحمى خلاة يرعرع
وأصبح علينا دياب
وطن محفور ف قلبى
لكن فى الاصل غاب
وصوت الربابه مزلزل
وحافر فى كل كتاب
الحر جواه حبيس
حتى من غير قضبان
ووطن عمال بيلبس
توب أسمه الظلام
والاخضر خلاص يبس
والصحراء بقت عنوان
وصوت الربابه مزلزل
يصرخ يقول ياوطن
أكلوك السعرانين
ليست هناك تعليقات:
إرسال تعليق