-متى تطلع الشمس----------كلمات الشاعر احمد جابر سويلم

-------متى تطلع الشمس----------كلمات الشاعر احمد جابر سويلم
ولان الظلام لساه
ماشى بيتماخطر
وصوت خفافيش جواه
وبطون عشاها الدم
والليل كانه اصم
سامع وما بيهتم
وعيون مليها الغضب
كارهه بحور الدم
وذئاب فى صورة بشر
ملين كفوفهم دم
والناس كواها الصبر
حالفين يكون الابر
لوخطوة قدم عالارض
كلمة كرامه دى فرض
هي الشرف والعرض
وبحق دم شهيد
لاهقول كتير ولااعيد
اصل القصاص دا اكيد
مصرى وسمه شهيد
يوم القصاص له عيد
ولائن الظلام لساه
ماشى بيتماخطر
هبدا طريق العد
واقفل عليهم سد
والى يخطى السد
يتقام عليه الحد
خلص الكلام
واهو جه اوان الجد
ابطال ونحتو الصخر
وقناه تضاف عالمجد
شريان وفيه هايمر
مالشرق او مالغرب
ورئيس كلامه جد
والشعب خلفه يصد
وحكومه كلامها وعد
والليل ظلامه ول
والبدر هل وطل
وديابه صوتها قل
وجحيم عليهم طل
فرعون ملهشى حل
شايل هموم الكل
مصرى بطعم الفل
قلبه ملان للكل
غضبه اهانه وزل
لكلاب تحب تمر
ولان الظلام لساه
ماشى بيتماخطر