شجرة تضلل وحنونة وفى حضنها احلى امومة
شهور كتيرة شيلتينى ومن جوه رحمك تغذينى
ولما ارفس واتحرك تقولى قلبى بيتحرك
ولما شرفت الدنيا شميت فى حضنك احلى كولونيا
وتمسحى بحب فى دموعى وانتى اغلى من كل ضلوعى
ياما سهرتى ايام وشهور تراعينى بشدة بكل سرور
وتحطى رضعة فى بزازة تبقى فى ايدكى احلى لذاذة
واكبر وانتى تراعينى وتشربينى وتحمينى
فضلك فى قلبى وعلى راسى يا مجددة ده فى احساسى
ومهما اسافر واتغرب شوقى لحضنك بيقرب
ولو فضلت سنين وسنين ابوس فى ايدك ابقى مدين
مش معنى حب تجيب اولاد المعنى ايثارها بكل وداد
وكبرت برضه واتجوزت وارجع اليها مهما بعدت
وحب الوطن من حب الام مهما نسافر حضنه يضم
يارب بارك لينا فيها واحميها يارب واشفيها
شعورها نبض جوه عروقى وشعورى بيطير فى كفوفى
تعبها محفور فى الاذهان ودايما باشهد بالعرفان
وفى قلبى برضه وعلى كمى هى الحنونة هى امى
انسان وبرضه او حيوان نفس الامومة فى كل زمان
ليست هناك تعليقات:
إرسال تعليق