اصل الحب النابض ثمره
لازم يبقي ده حب حلال
حتي النخل الطارح تمره
اصلا كان مزروع في رمال
اما الحب المزروع شوك
يوم ورا يوم لازم بيموت
نبضه خداع فاقد للشوق
كل حكايته كان صدي صوت
ماهو دايما الزارع حاصد
بس حصاده هيكون ايه؟
لو زرعه للخير كان قاصد
يبقي حصاده ف يوم يلاقيه
زي ماتاخد لازم تدي
والعاطي دايما كسبان
قدم سبت وبعدين هدِّى
تلقي الحد هيجي قوام
النبع الفارغ من جوفه
عمره مايقدر يدِّي الخير
والناظر لو فاقد شوفه
ازاي يبقي دليل للغير
كل حروف الكون مش ممكن
تكتب كلمة من غير خوف
الا ان كان في القلب هيسكن
سطر ايمان حواليها يطوف
ليست هناك تعليقات:
إرسال تعليق