كتبت فى عهد الإخوان:
يا مهلَّبيَّة ياه.. رز على ملوخية ياه
شعب غلبان ورئيس تعبان
قالوا هنصدَّق اللي كان
يادي التمثيلية
اللي هترجع الشعبية
ولا تلغي الاتفاقية
ايه القصد ياه
وعملوها مسرحية
على مسرح السيناوية ياه
مسرحية هزلية
كلِّفتنا كام مليون ياه
خطفوا العسكر
رجعوا العسكر
خلونا نسكر
من غير ما نشرب ياه
يادي العقلية ياه
البدو اخواتنا واحنا اخواتهم
محدش يقدر يفرقنا ياه
عايزين يفصلوا سينا
عنا بكام مسرحية ياه
عملواالدبابات ديكورات
واحنا ندفع التكليفات ياه
دمنا ود عيالنا
من دم الشعب الغلبان من
لابرادعي ولا حمدين ولا غيرهم
بيدفعوا تذاكركلهم بيتفرجوا
بدعوة من الشاطر والعريان
فوقوا يا اخواننا
ياللي بقيتوا حكمنا
هي مؤامرة جاية من برة
تقطَّع بلدنا ويهادوا بيها الجيران
بعد العراق واللي جرى لها
السودان و اللى حصل فى
نعوضها بحلايب و شلاتين
وسينا تروح لفلسطين
وميبقاش فيه لاجئين
وتنحلّ مشكلة الصهيونيين
على حساب المصريين
ارموا النبلة وهاتوا الطبلة
نرقص ع الواحدة
وطُظ في الوحدة
اللي هتقسِّم أرض بلدنا ياه
ونستنَّا مينا
يوحِّد أراضينا
بعد ما أخدوها اخوانا ياه
مبقاش في مهلبية ولا ملوخية
ولا لاقيين حتى الطعمية ناكلها ياه
ليست هناك تعليقات:
إرسال تعليق