حلمت بقلـــــم: عــــــادل الشــــــهـــابى

حلمت

 بقلـــــم: عــــــادل الشــــــهـــابى

حلمت ليا وكمان للغير ...

حلمت وحلمى كان أكيد خير ..

حلمت بدنيا وكانت جميله ...

الكل فيها كانوا عيله ...

والكلمه الطيبه عليهم ضليله ..

كانوا بيساعدوا بعضيهم ...

ولقمة كانت بتكفيهم ...

دنيا كانت كلها أفراح ...

والحزن منها عدى وراح ...

دنيا ما كنش فيها جراح ...

حلمت بدنيا ورديه ...

وفرحه جايه ومستنيه ...

لكن صحيت من النوم ...

وقبل ما أغير أنا الهدوم ..

شوفت دنيا ماليها الهموم ...

والمكسور فيها مش قادر يقوم ...

دنيا وسماها غيوم .....

فيها الكل بيرقص على كل الأوتار ..

وناس كل شىء عندهم يشبه الخيار ..

شوفت ناس بتتلون ب 100 لون ...

قليل عاقل وكتير مجنون ...

كتير آسى وقليل حنون ...

قولت أنام وأحلم أنا من تانى ...

نمت والحلم طلع حتى أنانى ..

قالى رايح وأنت نام وأنسانى ..

مش كل ما تنام يبقى لازم تلقانى ...

باجى مره فى العمر وأنا حلم وحدانى ...

لو روحت صعب أرجع تانى ...

كان حلم خلاص وراح ...

زمن صعب ودنيا كلها جراح ...

صعب حد فيها يا ناس يرتاح ..

بقلـــــم: عــــــادل الشــــــهـــابى