{أغنيه }
إزعلي بس إنتي
بقلم تامر النقيب
_____________
أزعلي بس إنتي. .ِ ولمي الناس عليا
مثلي وبراحتك . . وإعملي دور الضحيه
خلي بالك مش هسيبك
مهما تعملي برضو فيـــا
مهما حبك حد غيرى
مهما لامو الناس عليا
مش هسيبك ده إنتي أهلي وكل ناسي
وإنت أيامــي الهنيه
إزعليِ وأنا جي أصالحك
وأمسح الدمع بعيونك
إزعلي مقدرش علي جرحك
بينا عهد إنى أصونك
سامحي قلبي وإغفري ذله لساني
هتقدري تتصورى حد بمكاني
ياللي حبك أحلي من ضي القمر
ياللي علمتينى احب وإزاى السهر
ياللي علمتينى أسامح
ياللي علمتينى إنك حياتى كلها بالمختصر
إزعلي بس إنتي . . ولمي الناس عليا
مثلي وبراحتك . . وإعملي دور الضحيه
خلي بالك مش هسيبك
مهما تعملي برضو فيا
قولت أسيبك لما تهدي
وأبقى أتفاهم معاكي
شوفتك إنتي بكل قسوة
برضو بتبيعي ف هواكي
بس برضو يا أحلى فرحه
الحياه بدونك سواد
خلي بينا باب موارب
خلي حبه م العتاب
يمكن أغلط كل ثانيه
كل نار ليها رماد
طفي غضبك لما أجيلك
وإنسي أيام العذاب
إزعلي بس إنتي. . ولمي الناس عليا
مثلي وبراحتك . . . وإعملي دور الضحيه
خلي بالك مش هسيبك
مهما تعملي برضو فيا
____________
تامر النقيب . . . من مؤلفاتي وليس منقولا
ليست هناك تعليقات:
إرسال تعليق