***** وايــه يعنــى ***** كلمات / سيــد الدابــى
وايه يعنى مــ تهجرنى
ومش عايزاك تودعنى
انا عارفاك ح تجرحنى
وتيجى لحظة تغدربى
وفيها ايه لما ابكى
ودمعى يبات على خدى
وابات الليل سهرانة
ويهجر النوم رمشى
وبراحتك .. ودى عادتك
خلاص على ايدك اتعلمت
ومهما اترجيتنى اسامحك
خلاص ياما منك اتألمت
وبقيت من جرحك اتحمل
واكيد من غيرك راح اكمل
وبحمد ربى على غدرك
كشفك ليا من الاول
ويوم وليلة ورا ليلة
ح اعيش حياتى واتحول
واصادف حب من تانى
يغير كل احلامى
ويدور الزمن بينا
تغيرنا ليالينا
والزمن كفيل بينا
ننسى فى لحظة بعضينا
وايه يعنى مـ تهجرنى
ومش عايزاك تودعنى
من كتر غدرك وعمايلك
بقيت اتمنى يوم هجرك
وياما خفت اظلم قلبك
صبرت كتير على جرحك
وقولت بكره ح تيجى منك
وجات اللحظة وبان غدرك
وياما حذرونى منك
لكن قلبى كان حبك
وايه يعنى مــ تهجرنى
ومش عايزاك تودعنى
انا عارفاك ح تجرحنى
وتيجى لحظة تغدر بى
*****************
كلمات / الشاعر سيد الدابى
حقوق الملكية والنشر محفوظة
ليست هناك تعليقات:
إرسال تعليق