انا المصرى
انا اللى علم الدنيا *** اذاى تبنى حضارتها
وانا اللى فى سنين الجوع*** انا اللىكنت غلتها
ولما جفت بحور الكون *** نيلى كان ميتها
انا االمصرى
انا اللى هد برليفهم *** وحط النمل فجحوره
انا اللى لما ناديتى ***داس ع الغرب وغروره
ورجعت العدو خايب *** خليت كيده فنحوره
انا المصرى
لا انا مؤيد ولا معارض*** ولا طمعان انا فكرسى
لايوم طبلت لمبارك *** ولا سبيت انا مرسى
انا المصرى انا التايه ***ونفسى سفينتى ترسى
على شط يكون خالى*** من الهم ومن الاحزان
يكون متحاط بسور عالى*** احس بداخله بامان
احس انى انا عايش *** احس انى انا انسان
انا المصرى
وليه يا مصر
ليه يا مصر بتدبحينى *** وانا بدعى من عمرى يذيدك
ليه يا مصر بتنسى دايما *** دمى اللى بيجرى فوريدك
ليه يا مصر دا انا كنت ولدك*** لما باعوكى عبيدك
وليه يامصر
لما احب ابوس جبينك **** تضربينى مية قلم
ولما بزرع فرحى فيكى *** تزرعى جواى الم
ليه يا مصر انا الوحيد*** اللى لازم ينظلم
حقك على
اوعى منى تزعلى *** دا انتى اهلى وانا ناسك
انتى امى ونور عيونى *** وفوق دماغى اشيل مداسك
حقك على
امانه منى ما تزعلى *** تنقطع ايدى ان كتبت
تنقلع منى العيون **** لو لغيرك يوم نظرت
انتى ست الكون بحاله*** مدى رجلك كله تحت
انتى ست الكون بحاله*** مدى رجلك كله تحت
بقلم \الشاعر عبدالعاطى حسين
ليست هناك تعليقات:
إرسال تعليق