*******المسحرااااااااااااااااااااتى**********
اصحى يا نايم وحد الغفار
اصحى وصحصح وكون من الابرار
تلاتين ليله من تلاتين نهار
انا مسحراتى مش الاتي بس من الثوار
وجايب معايا كل ليله حكايه شعب جبار
و في تلاتين يونيه غنى اغنيه على الاوتار
لحن فيهالحن الابطال مع الثوار
اصحى يانايم وحد الغفار
وانتى يامصريه ياست كل دار
لفلفي بيوتنا بالحنيه وكل جدار
ياست يامصريه تنحني ليكى الاشجار
يامرمر الاوطان يا كتومه الاسرار
اصحى وسحري اولادك وصحى كمان الجار
يامنبع الحب وملكه الدوار
اصحى يانايم وحد القهار
ربك كريم يرزقنا ويبعدنا عن النار
رحمن رحيم على الصايم وعلى كل بار
حليم رحيم رب بالعباد غفار
يدخلك جنته وهناك تختار
من النعم بعد صيام طوا النهار
يارب ياخالق الشمس والنجم والبحار
حنن قلبنا على بعض ومتخلينا نحتار
وجمع المسلمين على كلمه وبلاش ننهار
خلينا مع بعضينا قلب واحد لاخر المشوار
وابعد عنا كل فاسد كل حاسد او غدار
اصحي يامسلم متخاف من الاشرار
بكره جي بيك وبيا وبشعب الاخيار
الله واكبر الله واكبر يقتل الفجار
بامرك يارب وبرحمتك مش كلام اشعار
تجمع بين العرب لنصره الاقصى من الفجار
وتحي فينا صلاح الدين وكل فارس مغوار
اصحو يامسلمين كفايا نوم الامه بتشتكي من الدمار
سوريا ولدها اتفرقو وشربت ارضها من الدم انهار
والعراق كل يوم تفجير وسرقها امريكان وتركو نار
وداعش ريحه جيه بتزود الخراب وعملين شعار
اصحو ياعرب يانفوق منلاقي الدار ويحل العار
مفيش غيرك يارب يرحم المسلمين من المرار
ويبعدنا عن النار والاحمرار ان كان دم اوانفجار
اصحو يابلاد غمضت واصنعو قرار
كفايه نوم ولا لسه مجاش نهار
هاتو العيد بالزغريت على كل دار
حلمنا حلم ممكن يتحقق قبل طلوع فجر
مشعارف امتي بس ربك قادر قبل طلوع النهار
اصحو ياعرب السحور وجب ونتوضى نكون اطهار
نكلهم اكل كلهم ولا نخاف صهيوني او جزار
الله واكبر انتفاضه لامه محمد في كل دار
ثوار ثوار علي الاشرار او نموت اطهار
بقلم / ايهاب الزيات
ليست هناك تعليقات:
إرسال تعليق