الصمت
الصمت احلى من الكلام
فى اوقات كتير
الصمت قال ان الكلام
هو الاسير
الصمت لحظة بينكسر فيها الضمير
الصمت فى الامثال قالوا كتير
الصمت مرة من ذهب
ومرة بيكون فى دولاب كبير
افتح بيبانو وبص فية
تلقى الصغير والكبير
وكمان تلاقى فية الغنى
وعلى جنب تانى تلقى الفقير
متعلقين على الرفوف
يمكن تقول هى الظروف
اصلى فقير
وفى الدولاب احنى ضيوف
بنبص بس على الرفوف
تقدر تشوف
فوق الرفوف
ناس تانية غيرنا هنا
متعلمين معنى الهنا
مش زينا
الحلم تلاقة فى ايدهم
اما انا
الحلم يفضل معايا 100سنة
علشان كدة
الصمت احلى من الكلام
فى وقت تانى زى الهنا
سعيد ابراهيم الضبعاوى
ليست هناك تعليقات:
إرسال تعليق