المسحراتى
تمر هندى ....
...عرقسوس
كوسه ....ملوخية ........مقدوس
كل حاجة بفلوس
تعمل إيه يا منحوس
يا للي راسمالك
طبلة و فانوس
مهنة انقرضت
و ما تجيب فلوس
تلف طول الليل
و تنادى السحور يا محروس
قوم يا أبو حسنى
قومي يا أم مرسى
قوم وحد الدَّايم
دا السحور ناموس
سُنَّة عن النَّبي المبعوث
و آخر الشهر تلم الفلوس
اللى يدفع و اللى يدى عيش
يمكن ماليه السوس
و كنت تقابل بتاع الزبادى
اللى عامله من لبن الجاموس
صوته يقابل صوتك
زى العريس و العروس
يا خسارة مهن و انتهت
و اللى يشتغلها
يقولوا عليه ملحوس
الحضارة قضت عليكم
و مهن ما بقتش تجيب فلوس
بقلم :محمد حجاج
ليست هناك تعليقات:
إرسال تعليق