بقلـــــــم: عـــــادل الشــــــهـــابى " شكـــــــرا يا دنيا ... "

شكــــراً يــا دنيــا

يا دنيا هنتشكرلك على إيه ولا إيه ...

على فرح وعدتينا إنتى بيه ...

دورنا عليه ولكن مش بنلاقيه ...

بشكرك على إنسان جوايا موتيه ..

مات وماتت معاه كل معانيه ..

بشكرك على أحلامنا اللى فيكى بتضيع ..

على خريف وفكرناه أحنا ربيع ..

بشكرك على بسمه فيا أستخسرتيها ...

بشكرك على عين من الحزن عمتيها ...

بجد يا دنيا شكراً وكتر خيرك ..

بتبيعى وتشترى فينا علشان مفيش غيرك ..

يا دنيا ليه بخلك غطى على جودك ..

مش من دلوقتى لا ده من أول وجودك ..

تجرحى وعوزانا نقول أحنا تمام ...

وفى ظلمك لينا نديكى تعظيم سلام ..

عاوزانا نعيش بدون تفكير ولا حتى كلام ..

آآآآآآآآآآآه يا دنيا بنتشكرلك ..

مدام يرضيكى زودى يا دنيا فى غدرك ..

شكراً يا دنيا على فراق الأحباب ...

ليه حكمتى علينا نعيش فيكى أغراب ...

يا ناس حد يعملى للمحبه بينى وبينها حجاب ..

حد يقولها أفتحى ليه يالا الباب ...

حد يقول لها كفايه بقى عذاب ...

لو باديا كنت سيبتك يا دنيا من زمان ...

ده أنتى غروره وملكيش يا دنيا أمان ...

بترفعى الخسيس وتنزلى ليه الأنسان ...

شكرا يا دنيا على قسوتك ...

قوليلنا لمين طيب حنيتك ..

شكراً يا دنيا على كل الاحوال ...

يالى البسمه فيكى بقت من المحال ..

شكـــــــرا يا دنيا ...

بقلـــــــم: عـــــادل الشــــــهـــابى