العاشر من رمضان
دا كان لينا مطلع فجر
=======
مسحراتى بنادى
يا خير نسل اجدادى
اصحوا يا خلق
وحدوا الهادى
اتسحروا من خيره
وهموا دا المولى
عليكوا بينادى
اصحوا يا عبادى
قولوا نوينا الصوم والقيام
واتمعنوا يا خلق اليوم دا لكلامى
اصل اليوم دا يا احبابى
يوم بتاريخنا مش عادى
انا المصرى عن اصلى وعزى
ابقو احكوا لولادى
وكتاب تاريخى
باكتبه اليوم بامجادى
ورمضان له ذكرى
ونصرة خلد لبلادى
العاشر من رمضان
دا اسمى اعيادى
مين اللى قال يا مصر
ان احنا كنا بس بالماضى
داحنا حضارة خلد ومجد فرعونى
يتعلم منها الكون والدهر و الاتى
زهر شبابك جاى وعلى البنا ناوى
يعلى هامتك ورايتك بهمه واراده
يا حره ودره ابيه ديما كما العاده
بالفكر والمبدعين والعلما
دايما يا بلدى ولاده
وعشقك عندنا يا مصرنا عباده
شايف نهارك يا مصرمن بعيد بيطل
يا طرح ريحان مع ياسمين مع فل
ونهرك الفياض بيروى عطش الكل
وشمسك الدافيه نورها علينا هل
وارضك الخصبه بتحضن النبته بود
تطرح سنابل قمح يحصدوه الكل
ونخلك العالى بخيره طرحه بيلالى
رطب و زغلول سمانى
شهد ياناس مع ظل
عاشقك يا ام الكرم
دايب يا ست الكل
صامد يا ارض الكنانه
ولا يوم رضيت بالذل
ومهما نمر بمحن
العسر بعده يسر
رمضان كريم يامصر
يا شهر العبور والفخر
بايد جندى باسل صايم
عبر القناه باسرار
عبر وعدى واتخطى
الصعاب وخط النار
راسم لفجره نهار
رافع ريات النصر
ما هموا موت ولا قهر
كان كل احلامه
عزة وكرامه وفخر
او جنه الرحمن
يكون ليه بيها قصر
ويعبر الريان
مع الصائمين الغر
شهيد كرامه
مرفوع الراية والهامه
حقق منانا يا مصر
بالايمان والصبر
اصحى يا نايم
اصحى يا غقلان
خيط الفجر هل وبان
قوم اتسحر واتوضى وصلى
واغتنم من رمضان
دا السعى للصوم
خير من النوم
وبعوده يا رمضان
بقلم
=== الشاعر \ راسم محمد
ليست هناك تعليقات:
إرسال تعليق