بقلمى يوسف ونيس مجلع ايطاليا بريشيا
اصدقائى الاحباء فى ذكرى العاشر من رمضان
كلمة بالعامية بعنوان شهر الملاحم و البطولات
رمضان يا ابو الملاحم والبطولات
وجنود بهمة تزاحم على التضحيات
مع الخطرتلاحم وتسيب المجد ايات
بواسل غيرو فى القواعد والنظريات
لابقى مدى صواريخ ولا وزن دانات
ولاخطوط حصينة او سرعة طيارات
والعالم حاول يفهم ملاقاش تفسيرات
غير ان مصر اكبر من كل التحديات
----------------------------------
اصل عزيمة النصر كانت موجودة
وقيمة عظيمة لوحدة وطنية معهودة
والقلوب متماسكة ولبعض مشدودة
و الادين متشابكه و لبعض ممدودة
بايمان ان الله عنده الانفاس معدودة
واحسان وجرجس وعباس و جودة
هدفهم واحد و سكة الفرقة مسدودة
هدفهم نزع الفجر من اليالى السودا
---------------------------------
ودمهم اللى اختلط سوى فى الميدان
كتب ملحمة اسطورية لكل الازمان
قال مصر ياحب متربع فى الوجدان
يا شمس امجاد ساطعة على البلدان
ولادك فى كل اوان و فى كل عصر
على عهدنا ليكى لا بديل الا النصر
نموت نفديكى وتعيشى حرة يامصر
بقلمى يوسف ونيس مجلع
ليست هناك تعليقات:
إرسال تعليق