بإيدي بغَسلك ياابني
المشهد رقم (4)
بإيدي بغَسلك ياابني
المشهد رقم (4)
بقلم الشاعر يوسف الحمله
5/9/2015
،،،،،،،،،،،،،،،،،،،،،،،،
بإيدي بغَسلك آه ياابني
وبإيدي بكفنك آه ياابني
وبإيدي سيبتك آه للبحر
والنار بتاكل في وريدي
قدر علىّ الموج وغَلبني
والله ياابني غصب عني
كنت بهرب بيك من ظالم
عايز يقتلك وعايز يقتلني
وأهو إستكترك البحر علىّ
وأخدك مني يانور عينيا
ياترى ياابني إنت مسامحني
في الجنة هترضا تقابلني ؟
ولا هتشوفني هتبعد عني ؟
رد علىّ ياابني وجاوبني!!!
دانا لو بإيدي كنت أخليك
ما تفارق أبدا ثانية حضني
وياريت الفراق كان قرارك
لكنه شئ مش بإختيارك
وإنكتب على أعيش بنارك
وأعيش وفي رقبتي تارك
أيوه ياابني هاخد بتارك
وبعد ما قلبي إتوجع عليك
مش محتاج لحد يساعدني
مش محتاج لحد يساعدني
مش محتاج لحد يساعدني
،،،،،،،،،،،،،،،،،،،،،،
بإيدي بغَسلك ياابني
المشهد رقم (4)
بقلم الشاعر يوسف الحمله
5/9/2015
ليست هناك تعليقات:
إرسال تعليق