(انت شوفت الواد آلان )
الشاعر وحيد راغب
عضو اتحاد كتاب مصر
مستحيل تقدر تخبى
ياعدو الانسانية
كل ديب بيبص منك
بحر واسع للضحية
انت شوفت الواد آلان
لما بمضغ رمل حقدك
ع الشواطىء
ليه بتلبس ألف لون
تدعى رمز البراءة
وانت خاطىء
كم مخطط فوق خريطة
للحروب والانقسام
المهم سلاح يصدر
راح زمانه
والدولار ويا الحاخام
من فسادك بان عنادك
وانت بارع فى الكلام
حبر دموى وقلب معتم
مش مهم تحس بينا
والآلام تشبع آلام
هو تعلب للفريسة
راح يسمى
أو بنابه يكون سلام
شاعوا ان الفوضى تخلق
كون جديد
حرب ماشى
دم ماشى
غرقى ماشى
القوى هو اللى باقى
كالحديد
الفقير مع ضعفه موته
تنصلح بيه البرية
دوس وخلى الارض توسع
م الحثالة
والسلالات الغبية
البقاء للحرب مغنم
وانشغالهم نصر فادح للسامية
كم آلان فى البحر بغرق
لم يصور
هل تصدق أى صحوة
للضماير
طوف ودور
لن تلاقى غير دموع
بلت خدودهم
سدوا ليها كمان حدودهم
اللى خطط للسيادة
مستحيل يركع عبادة
قلبه اسود م البيادة
كل سكره يشم دم
والاهم
يبيع سلاحه
واحنا نركع تحت رجله
ونستجم
الشاعر وحيد راغب عضو اتحاد كتاب مصر
ليست هناك تعليقات:
إرسال تعليق