عصام عشري العشري
محبش البس بدله
و محبش اربط كرافته
و لا الزق ورده
فى عروة الجاكته
و محبش حد يقولى يا بيه
و لا احب دى السكه
و قميصى وبنطلونى
مشتريهم حته حته
من تاجر بسيط
فى العتبه و غيره
فى كوم الدكه
بورقه بعشرين جنيه
و معاها شوية فكه
و نضارتى نضاره صينى
لا هى ريبان ولا هى ماركه
لكنى نضيف
لا احب الحرام
و لا ايدى فيه مشاركه
وصوتى من ضميرى
ونفسى عارفه وفاكره و ذاكره
ليست هناك تعليقات:
إرسال تعليق