ابوس ايدك ياهم ارحل
*****************
ابوس ايدك ياهم ارحل
وشوف غيرى وانسانى
عاملنى بمنطق الرحمة
وحاول تبقى انسانى
دانا اللى دمعته ملت
وزهقت منى احزانى
مفيش ف الدنيا دى مطرح
معاك غير بس عنوانى
كرهت الخلق دى بحالها
وقلبك داب ف احضانى
وجودك فيا حطمنى
ودبل ورد بستانى
وجفف دمى ف عروقى
خلاص بالارض سوانى
خلاص توهتنى منى
انا المقتول وانا الجانى
وقول للحظ ليه معاكس
وقوله بعده بكانى
د كل الخلق بتعمر
وانا اللى اتهد بنيانى
وكل الصحبة فرحانة
وعايشة عيشة سلطانى
وانا اللى م الالم بسمع
نعيق البوم ف كروانى
صحيح قدر الاله نافذ
لكن نفسى اعيش تانى
ياسر التونى
ليست هناك تعليقات:
إرسال تعليق