الدنيا علي طريق الخال
...................
الدنيا توب مليان عيوب
كيفها كيف حال البشر
في حد خالي من ذنوب ؟
في حد ماشي في سكته
وعمره ما إتكعبل في طوب ؟
قانون وماشي ع البشر
كل يوم لازم نشوفها بالف لون
إياك يا ولدي تصدق الضحكه
ف عنيها ..........................
إضحكلها وسلم عليها
خليك علي إستعداد تقابل
الوجع اللي فيها ..............
عيبها فيها.....................
عمرها ما بتدي حد إشتاق
إليها................................
سيبها لما تجيك لروحها
إزهدها هتدور عليك
بس حاسب من جروحها
خليك علي إستعداد تجيك
الدنيا عروسه إتجوزت
قبلك كتير ..................
ولما يجي الدور عليك
إياك تْغِيرْ....................
إياك تنسيك يا ولدي
أخلاق الفقير .............
في ياما قبلك إتجوزوها
وعشمتهم بالكتير .........
خلعوا توب الفقر فيها
وعاشوا أدوار الامير .........
ولما حان وقت الطلاق
خسروا كتير ...................
والنهارده بيلعنوها
نسيوا لما إتجوزوها
العِصْمَه كانت بين إيدها
...........................
عصام دويدار
ليست هناك تعليقات:
إرسال تعليق