******خطوتى******
عايز امشى وخطوتى توصل لعندك
تحت الشجر ساعة الغروب
تلقى العيون مدمعه بتقول كلام
ارجع لحضنك ولحبيبك
وارسم ببسمه خطوتك
واوعى فيوم حزنك يغير سكتك
خليك شديد وارسم بعزمك دنيتك
واحلم وعيش واضحك
مفيش فالدنيا حاجه تبكى عينك
خليك سعيد افرح عشان الحزن ميلقش عليك
واضحك وخلى الضحكه تجلجل
الله عليك ساعة ما تضحك
بتخلى كل الدنيا تضحك
الله عليك ببسمتك وضحكتك ترسم دروب نور
متزينه باشجار الكافور ورصيفها تملاه الزهور
وهواها نفسك اتنفسه املا صدري بيه واقول وحشنى
اضحك بقى
اضحك وسيب الحزن واوعك تنكسر
انا دنيتك انا فرحتك وانت هوايا وسكتى
خليك جميل واوعى عنيك تدمع فيوم
عايز امشى وخطوتى توصل لعندك
انسى وقتها كل البشر ملتقيش غير ابتسامتك
خطوه واحده نبتديها ايد ف ايد
حلمنا يكبر معانا فرحنا يومها يزيد
وارتوي من عطف حبك
وارتمى كلى ف حضنك
وارسمك شمش ف نهاري
والتقيك نسمة ف صيفى
عايز امش وخطوتى توصل لعندك
ابنى وياك السعاده والتقى ف عنيك موده
وابتسامك وف كلامك
همس صوتك والحنين اللى ف غرامك
عايز امشى وخطوتى توصل لعندك
عايزك انتى تبقى عمري وكل حالى
وف خيالى و شرياينى بتجري وتكونيلى
الهوي وياكى يبقى له معانى
عايزامشى خطوتى توصل لعندك
ليست هناك تعليقات:
إرسال تعليق