إحكي وقول يا قلم
عصام دويدار
أخرت طريقك أيه
الناس بتعبد صنم
إسمه سعادة البيه
الكلمه منه حِكَّم
دافع تمنها جنيه
ولو حتى كاتب هَبَّل
الناس بتجري عليه
تعظيم سلام البيه وصل
كاتب كلام زي العسل
قالوا وعلي رأي المثل
القط منه بميت جمل
......................................
الصبر لو كان تمن
إحنا دفعنا كتير
خِلصت حروف الامل
إمتى نشوف تغيير
عمال تعاتب في الزمن
طالب يحن عليك
ليه تبكي حرقه وآلم
بكرا الكريم يديك
في ياما حرف إتظلم
شيفاه ولمساه أديك
بحرك غريق ياقلم
أخرت طريقك أيه
والناس بتعبد صنم
إسمه سعادة البيه
.....................................
عصام دويدار
ليست هناك تعليقات:
إرسال تعليق